La Liqada “Barselona” səfərdə “Real Sosyedad”ın qonaği olub.
Ötən tur gözlənilmədən “Nou Kamp”da “Kadis”ə uduzan “Barselona” futbolçuları bu dəfə azarkeşlərini sevindiriblər. Görüşün taleyini 1 qol həll edib. Pyer-Emerik Obameyanq fərqlənməklə qonaqlara minimal hesablı qələb qazandırıb. Aktivində 55 xal olan “Real Sosyedad” turnir cədvəlində 6-cı pillədədir. 63 xalı olan “Barselona” 2-ci yerdədir. Katalonlar lider “Real Madrid”dən 15 xal geridir. Qeyd edək ki, ehtiyatda 1 oyunu olan “Barselona” aprelin 24-də La Liqanın 21-ci turundan təxirə salınmış görüşündə “Rayo Valyekano”nu qəbul edəcək.